• Նորություններ
• Հղումներ
• Գործընկերներ
• Կայքի Քարտեզ

 Ներքին Հոռաթաղ: Գյուղ ԼՂՀ Մարտակերտի շրջանում՝ շրջկենտրոնից 4 կմ հարավ- արևմուտք՝ 500 մ բարձրության վրա։ Տարածքը՝ 2234 հա։ Բնակչությունը՝ 777 (2003)։ Զբաղվում են այգեգործությամբ, անասնապահությամբ։ Ունի միջնակարգ դպրոց, ակումբ, բուժկետ։ Գյուղում կա եկեղեցի (XIX դ.)։

 1989-ին գյուղում կազմավորվել է կամավորական ջոկատ (հրամանատար՝ Ռ. Հայրապետյան), որը 1989-1994-ին մասնակցել է Շահումյանի (Բուզլուխ, Մանաշիդ, էրքեջ, Կարաչինար, Շահումյան), Մարտակերտի (գրեթե բոլոր գյուղերի) շրջանների ինքնապաշտպանական և ազատագրական մարտերին։ 1992-ի հուլիսի 4-ին գյուղն ավերվել ու թալանվել է, բնակիչները տեղահանվել են։ 1993-ի հունիսին ազատագրվել է և վերաբնակեցվել։ Ներքին Հոռաթաղից զոհվել է 19 ազատամարտիկ։

Ա. Մկրտումյան

Գրականության ցանկ

Ղարաբաղյան ազատագրական պատերազմ 1988-1994 թթ. հանրագիտարան, Երևան, 2004 թ.