Մաճկալաշենի ինքապաշտպանություն 1992: Սեպտեմբերի 7-ի վաղ առավոտյան ուժգին հրետակոծությունից հետո հակառակորդը տասնյակից ավելի հրասայլերի և զրահատեխնիկայի ուղեկցությամբ մտել է գյուղի տարածք, ձգտել՝ ճեղքել պաշտպանությունը: Համառ մարտերից հետո ինքնապաշտպանության ուժերին (Մարտունիի պաշտպանական շրջանի առանձին ստորաբաժանումներ և Մաճկալաշենի մոտոհրաձգային գումարտակ) հաջողվել է կասեցնել թվաքանակով և գինտեխնիկայով մի քանի անգամ գերազանցող հակառակորդի առաջխաղացումը: Ադրբեջանցի զինյալները նահանջել են՝ մարտադաշտում թողնելով խփված 1 հրասայլ, 1 ՀՄՄ և տասնյակ սպանվածներ: Ինքնապաշտպանության ուժերը վերահսկողության տակ են պահել Մաճկալաշեն գյուղը և նրա հարավարևմտյան տարածքը: Մաճկալաշենի մարտերի հաղթական ելքը, հայ մարտիկների խիզախության և արիության օրինակ լինելով, ցույց է տվել նաև ստորաբաժանումները նախապատրաստելու և մարտը հմտորեն ղեկավարելու՝ հրամանատարների ու շտաբների բարձր կարողությունը:
Ինքնապաշտպանությանը մասնակցել են Մաճկալաշենի մոտոհրաձգային գումարտակը (հրամանատար՝ Ա. Մելքումյան), Սոսի, Մարտունիի, Ճարտարի և Ակնաղբյուրի կամավորական կազմավորումները:
Ս. Հասրաթյան
Գրականության ցանկ
Ղարաբաղյան ազատագրական պատերազմ 1988-1994, Հանրագիտարան, Երևան 2004 թ.
![](http://www.historyofarmenia-am.armin.am//cms/image.php?image=http://www.historyofarmenia-am.armin.am/images/menus/1439/HH_qax_patm_pastatuxt.jpg&width=50)
Ալեք Մանուկյան 1,
ԵՊՀ 2-րդ մասնաշենք,
5-րդ հարկ,
Հեռ.` + 37460 71-00-92
Էլ-փոստ` info@armin.am
Բոլոր իրավունքները պաշտպանված են: Կայքի նյութերի մասնակի կամ ամբողջական օգտագործման, մեջբերումների կատարման դեպքում հղումը պարտադիր է` www.historyofarmenia.am