• Նորություններ
• Հղումներ
• Գործընկերներ
• Կայքի Քարտեզ

 Բաղրյան Նելսոն Էդուարդի: Ծնվել է 1959թ. մայիսի 1-ին Մարտակերտ քաղաքում: Մահացել է 1992թ. մարտի 23-ին «Ղասունց յաթաղ» տեղամաս (ԼՂՀ Մարտակերտի շրջանում):  Ազատամարտիկ։ Ավարտել է Բաքվի մանկավարժական ինստիտուտը (1985) 1985-1988 թվականներին աշխատել է Մարտակերտի 3 միջնակարգ դպրոցում։ 1988 թվականից զինվորագրվել է ազգային-ազատագրական պայքարին Մարտակերտի պաշտպանական շրջանի կազմում ստեղծել է սակրավորների խումբ։ 1992 թվականից նշանակվել է նույն Պաշտպանական շտաբի սպառազինության գծով հրամանատարի տեղակալ։ Կազմավորել է տանկային վաշտ, Սրխավենդի ազատագրական մարտերի ժամանակ վարել է Տ-72 տանկը՝ կատարելով նաև նշանառուի պարտականություն. հակառակորդին պատճառել է կենդանի ուժի զգալի կորուստ՝ ստեղծելով կամավորական ջոկատների առաջխաղացման հնարավորություն։ Նրա ղեկավարած սակրավորների խումբը բազմիցս ականազերծել է ռազմական գործողությունների առաջին գծի տեղանքը։ 1992 թվականի մարտի 23-ին զոհվել է ականի պայթյունից։ Հետմահու պարգևատրվել է ԼՂՀ «Մարտական խաչ» 2-րդ աստիճանի շքանշանով։ Մարտակերտի 3 միջնակարգ դպրոցը կոչվել է Բաղրյանի անունով։ Թաղված է Մարտակերտում։

Ս. Մարգարյան

Գրականություն՝

Մարգարյան Ս., Մարտակերտ, Չհայտարարաված պատերազմի կիզակետ (փաստագրություն), Ս., 1999 թ.

Ղարաբաղյան ազատագրական պատերազմ 1988-1994 թթ. հանրագիտարան, Երևան, 2004 թ.