• Նորություններ
• Հղումներ
• Գործընկերներ
• Կայքի Քարտեզ

 Ալավերդյան Քրիստափոր Նիկողոսի (Ալավերդով): Ծնվել է  1897 թ. մայիսի 25-ին գ. Օղբին գյուղում (ՀՀ Վայոց ձորի մարզի տարածքում, այժմ՝ ապաբնակեցված):  Մահացել է 1942 թ. Նյուրնբերգում: Եղել է խորհրդային ռազմական գործիչ, բանակի գեներալ-մայոր (1940)։ Ավարտել է ԽԱՀՄ Զինված ուժերի ռազմական ակադեմիան (1939)։ 1931-1935-ին եղել է 22-րդ հայկական հեծելազորային, 1939-40-ին՝ 7-րդ բանակի հեծելազորային գնդի հրամանատար՝ ֆիննական պատերազմում։ Հայրենական պատերազմի (1941-45) առաջին օրերին Ալավերդյանի գլխավորած 113-րդ հրաձգային դիվիզիան Բրեստի մոտ հայտնվել է ֆաշիստների շրջափակման մեջ։ Ալավերդյանը վիրավոր գերի է ընկել և տեղափոխվել Համելբուրգի համակենտրոնացման ճամբար։ Գնդակահարվել է Նյուրնբերգի բանտում։

Ալավերդյանի կիսանդրին դրված է Վայքում։ Նրա անունով է կոչվել ՀՀ Արարատի մարզի Մխչյան գյուղի միջնակարգ դպրոցը։

Գրականության ցանկ

 «Ով ով է հայեր.(Կենսագրական հանրագիտարան)», հատոր առաջին, Երևան,2005 թ